हरामी का चूहा

एका  माणसाने
आपला उंदीर
विकायला काढला
तेव्हा अतोनात
गहजब झाला

हज्जारो  म्हणाले
मुक्या प्राण्यावर
जरा दया करा
नालायक मालक
उंदीर  बिचारा

जेव्हा कळलं कि
तो तर जादूचा उंदीर
मालकाची याच्या
उघडलीये  तकदीर

मग हेच लोक गुपचूप
बोली लावू लागले
आरे ह्ट उंदीर कोण
विकत घेतं का? वरवर
असंही  म्हणू लागले

आश्चर्य,
आता मला हा उंदीर
विकायचाच नाहीये
असं तो माणूस
जाहीर म्हणाला
आणि  आशांचा कित्येक
छीन्न चुराडा झाला

दुरून लोक त्याच्या
महाला कडे पाहतात
हरामी का चूहा
बहोत हि कमाल
असं उद्वेगानं म्हणतात

-सत्यजित खारकर