थोडक्यात कमी पडण्याची गोष्ट..

आमचा बालमित्र, डॉक्टर बबन तसा नेक आहे

संशोधना व्यतिरिक्त फावल्या वेळी

गप्पां आणि दारू च्या बाबतीत चोख आहे..

एकदा अशाच एका रमणीय पार्टीत

बबन म्हणाला - लोकहो, 'नीट' घेतोय नीट ऐका

-साला, मार्क थोडेसे जास्त पडायला हवे होते..

-घर थोडंस मोठं हवं होतं ..

-पगार थोडासा जास्त हवा होता..

-किंमत थोडीशी कमी हवी होती ..

-नशीबानं थोडीशी साथ द्यायला हवी होती ..

सांगा नाही वाटत अजिबात ज्याला

असा सर्व जगी कोण आहे ?

बबन म्हणे मानवा तूच हे शोधूनी पाहे ..

मित्रानो गुरुत्वाकार्षणा सारखाच हा पण एक अदृश्य फीनोमिनोन आहे

नोबेल पारीतोषिका साठी यंदा हा माझा शोध देशाच्यावतीने पाठवीत आहे..

(इथे डॉक्टर साहेब पेग भरण्या साठी बोलायचे एकदाचे थांबले)

बबन पाचवा पेग भरतोय पाहून सर्वांच्या वतीने मी म्हणालो

बबन्या लेका तुझ्यातल्या न्यूटनचा आम्हाला अभिमान आहे

काहीतरी सदा थोडक्यात कमी पडणे हा नियतीचा क्रूर शाप आहे

आता हेच बघ ना -

आम्हाला चाटा मारून आख्खी बाटली तू संपवणार हे साफ आहे..

-सत्यजित खारकर